Í Hvítu Húsunum í USA siga tey seg hava avdúkað, at Russland hevur brúkt norðurkoreanskar rakettir í krígnum í Ukraina.
- Talan er um stuttberandi rakettir, verður sagt úr USA.
Bæði USA og Stórabretland fordøma, at Norðurkorea hjálpir Russlandi við vápnum í álopskrígnum móti grannalandinum.
Londini heita á Norðurkorea um at gevast við vápnaveitingunum til Russlands.
Seinastu tíðina hevur Russland skotið fleiri hundrað langtberandi rakettir eftir málum í Ukraina, og her hava fleiri sivilfólk latið lív.
Norska kringvarpið NRK telist millum miðlarnar, sum umrøða norðurkoreansku vápnaveitingarnar til Russlands.
