Reuters veit í kvøld at siga, at ein russiskur býur í Kursk-regiónini liggur í streymloysi.
Sambært guvernørinum í regiónini hevur eitt ukrainskt dronuálop rakt streymveitingina.
Reuters veit í løtuni ikki at siga, hvussu umfatandi skaðarnir á streymveitingina í býnum eru.
Fleiri av russisku álopunum í Ukraina hava havt sum mál at raka undirstøðukervið í landinum.
Í fleiri umførum hava milliónir av ukrainum sitið kaldir á vetrardegi - uttan streym, hita og vatn.
Tey, sum fylgja krígnum nær, halda, at endamálið hjá russum við slíkum álopum er at møða ukrainska fólkið.
