Nú meira enn 30 ár eru liðin síðan fyrstu Lada 1200, sum vóru Fiat 124, ið vóru bygdir við loyvi frá Fiat, satsar russiska stjórnin veruliga uppá bilaídnaðin.
Herfyri var varastjórin á Lada bilverksmiðjuni, Nikolai Dybine, á vitjan í Danmark. Hann greiddi frá, at hann byrjaði at arbeiða við samlibandið á nýggju Lada verksmiðjuni í 1970. Hann arbeiddi seg upp til stjóra og síðan til varaforseta. Tað at Sovjetsamveldið datt sundur síðst í 80-unum førdi til stóran ótryggleika viðvíkjandi framtíðini hjá Lada. Øll 90-ini vóru ógvuliga trupul. Í 1993 bleiv Lada verksmiðjan til eitt privat partafelag, har starvsfólkini áttu størsta partin av partapeninginum. Lada samstarvar í dag við General Motors og evropeiska menningargrunnin EBRD. Saman gera teir eina nýggja bilverksmiðju, sum eftir ætlan skal framleiða 75.000 bilar árliga.
Í Danmark fingu Lada bilarnir herfyri ein lemjandi dóm frá FDM. Teir høvdu nógv at finnast at. Serliga tað at teir manglaðu alla ta útgerð, ið nútímans bilar hava sum standard í dag, eitt nú servostýring, ABS bremsur og airbags. Alt hetta verður nú broytt, sigur Nikolai Dybine. Í fyrsta umfari skulu tey modellini, ið eru á marknaðinum í dag, liva upp til evropeiskan standard bæði hvat viðvikur kvaliteti og trygd. Seinni koma heilt nýggj modell á marknaðin.
Kelda: Tíðindaskriv frá Fredericia Auto Import A/S
