Pólski generalurin, Maciej Klisz, sigur seinnapartin í dag, at ein russisk rakett var yvir pólskum loftrúmi fyrr í dag.
Tað veit tíðindastovan, Reuters, at siga.
Sagt verður, at rakettin var umleið 40 kilometrar inni í pólskum loftrúmi í umleið tríggjar minuttir, áðrenn hon kom yvir í ukrainskt øki.
Pólski verjumálaráðharrin, Władysław Marcin Kosiniak-Kamysz, sigur, at pólsku skipaninar gjørdu tað, tær skuldu, í teirri støðu, sum var.
- Allar slíkar hendingar mugu staðfestast, leggur verjumálaráðharrin aftrat.
Fyrrapartin í dag segði pólski herurin, at ein ikki-eyðmerktur "flúgvandi lutur" var staðfestur í pólskum øki.
Sambært Reuters sigur pólski generalurin, Maciej Klisz, at talan var um eina russiska rakett, sum var inni í pólskum loftrúmi.
