Norskir miðlar vita í dag at siga, at russiska fregattin, Admiral Gorshkov, í løtuni siglir í altjóða sjógvi út fyri norsku strondini.
Sagt verður, at skipið er útgjørt við nýggjum og framkomnum rakettum, sum ferðast fleiri ferðir skjótari enn ljóðið.
Hesar rakettir kunnu eisini bera kjarnorkuvápn, og tær eru truplar at skjóta niður, tí tær ferðast so skjótt.
Norska verjan sigur, at tey fylgja skipinum neyvt, so leingi Admiral Gorshkov er í norskum nærumhvørvi.
Norska kringvarpið NRK veit at siga, at rakettirnar, sum skipið hevur, kunnu ferðast níggju ferðir skjótari enn ljóðið.
