Tjaldrið og onnur skip og bátar eru longu komin til trolaran, sum fór á land klokkan eitt korter til átta Ein russiskur trolari stendur á Flesjunum.
Í dýrdarveðrinum í kvøld var hann á veg út av Kollafirði, og eingin vandi tóktist at vera. Men klokkan 19.15 rendi trolarin upp á Flesjarnar á Tangafirði, og har stendur hann framvegis.
Trolarin royndi við egnari megi at sleppa av aftur. Tað hoyrdist nógv til maskinuna á Nesi, og tað var nógv skúm, men trolarin megnaði ikki at sleppa av aftur við egnari megi.
Vaktarskipið Tjaldrið var statt eystanfyri Nólsoynna, og tað gingu bara tjúgu minuttir, inntil Tjaldrið saman við øðrum skipum og bátum var hjá russiska trolaranum.
Veðrið er av tí allar besta, og Tjaldrið fer at seta enda á trolaran fyri at royna at toga hann av aftur.
