Ein embætismaður í amerikanska uttanríkisráðnum sigur, at russisku myndugleikarnir ætla sær at royna tolið hjá Barrack Obama, tá hann tekur við forsetaembætinum. Sambært embætismanninum ætla rossar at herða mótstøðuna ímóti amerikonsku rakettverjuskipanini fyri at vita, hvat Obama fer at svara. Russar eru serliga illir um, at partar av rakettverjuskipanini skulu setast upp í Póllandi og Kekkia, og teir hava hótt við at seta rakettir upp í Kaliningrad sum svar.
Embætismaðurin í uttanríkisráðnum í Washington sigur, at russar taka eingi stig ímóti rakettverjuætlanini, fyrr enn Obama hevur tikið við sum forseti. Tað avgerandi er, hvussu Obama fer at svara, tá russar hvessa orðalagið, sigur hann.
