- Ukrainski herurin heldur fram við álopunum nærindis býnum, Orikhiv, har suðuri í Ukraina, og herurin er nú komin til fyrsta russiska verjuskansan á hesum leiðum.
Tað sigur bretska verjumálaráðið í sínari dagligu frágreiðing í morgun.
Russiski herurin roynir at steðga ukrainsku álopunum á Orikhiv-leiðini, samstundis sum russar royna at leypa á nærindis Kupiansk í Kharkiv-fylkinum i landnyrðingspartinum av Ukraina.
- Russiski herurin roynir helst at ørkymla Ukraina, nú ukrainski herurin leypir á nærindis Orikhiv. Endamálið hjá russum er hugsandi at fáa ukrainar at deila sínar herdeildir millum Orikhiv og Kupiansk.
Í frágreiðingini hjá bretska verjumálaráðnum verður sagt, at henda royndin hjá russum eins væl kann kann merkja, at russiski herurin missur herfólk, sum annars kundu staðið ímóti ukrainsku álopunum í Orikhiv.
##med2##
