Russiskir myndugleikar hava nú gjørt av eisini at flyta íbúgvar úr Belgorod-landslutinum, sum hevur mark til Ukraina.
Orsøkin er, sigur russiski guvernørurin, Vjatsjeslav Gladkov, at ukrainskur "aktivitetur" er í økinum.
Tað er eitt nú Reuters, sum í morgun endurgevur guvernørin í Belgorod-landslutinum, men einki verður neyvari sagt um, hvat gongur fyri seg í økinum.
Belgorod hevur javnan verið fyri ukrainskum álopum, síðan Russland gjørdi innrás í grannalandið Ukraina í februar 2022.
Leggjast kann aftrat, at Belgorod hevur mark til Ukraina í vestri.
Kursk-landsluturin, sum eisini er álopin av ukrainska herinum seinastu dagarnar, hevur mark til Ukraina í norði.
Lesið eisini -
* - Hetta er svar upp á álopini úr Kursk - https://www.in.fo/news-detail/zelenskyj-svar-upp-a-russisku-alopini-ur-kursk
* Zelenskyj váttar álopini í Russlandi - https://www.in.fo/news-detail/zelenskyj-vattar-alopini-i-russlandi
* 76.000 russar flýddir... https://www.in.fo/news-detail/76000-russar-flyddir-undan-ukrainskum-deildum-i-russlandi
* Putin tikin á bóli - https://www.in.fo/news-detail/serfroedngur-putin-tikin-a-boli
