Rumenski harmonikuspælarin Vasi situr í morgun á Niels Finsensgøtu og spælir tónleik fyri teimum, sum ganga framvið.
Hann kom við Nørruni úr Danmark og er á vegis til Íslands har hann býr saman við familju síni. Hann greiðir frá, at hetta er fjórðu ferð, at hann tekur Nørruna til Íslands, og steðgar í Føroyum á veg heim eftir at hava verið í Rumenia og vitjað.
-Eg havi bara sett meg her til stuttleikar at spæla tónleik eina løtu, inntil eg fari umborð aftur. so kanska eg fái nokk av peningi til ein kaffikopp. Tað er so deiligt við tónleiki á gøtunum, flennir harmonikuspælarin, sum eisini spælir tónleik í matstovu í Reykjavík.
Hann greiðir frá, at hann hevur búð 12 ár í Íslandi við familju síni, har hann eisini arbeiðir sum tónleikari.
