Børnini gleðast um páskareggini, tey sleppa at pakka upp og eta 1. páskadag, og tá 2. páskadagur kemur, verður enn farið út í bøin at rulla.
Í summum bygdum savnast flestu børn í bygdini saman við vaksnum á ávísum støðum at rulla egg, og í øðrum bygdum eru familjur samlaðar til hesa løtu.
Soleiðis hevur eisini verið kring landið í dag, nú veðrið hevur verið og framvegis er so avbera gott.
Hesin lítli sjeikurin á myndini var millum teirra, sum longu fyrrapartin í dag rullaðu egg úti við vindmyllurnar á Eystnesi.
