Írski fólkaarvurin úr pubbini við torgið er hjartað í tónleikinum hjá írsk-amerikansku Young Dubliners, ið spæla á G!Festivalinum í summar. Men teir bjóða ein skarpan afturvið, sum The Dubliners blandað við Jethro Tull og Thin Lizzy ? skjótan, fiman og stuttligan tónleik, skaptan til at syngja við og dansa til!
Tað eru live-framførslurnar, ið serliga hava givið bólkinum gott orð á seg. Lívliga huglagið, ið bólkurin umboðar, spreiðir seg sum roykur í vindi millum áhoyrararnar, og tað er torført ikki at lata seg bergtaka.
Vísurnar eru frá gomlum írskum yrkjarum, leikritahøvundum og landastrokum og eru samansjóðaðar við sermerkta fólka-rokk ljóðið hjá Young Dubliners og sungnar við heimligum málføri av forsangaranum Keith Roberts.
Um tú vilt hugna tær, syngja, skála og/ella skrála við vinum og dansa lystiligt í summar, so er ikki at lata Young Dubliners fara framvið. Hetta er veitslurómur og spæligleði fyri allan peningin. Vit gita at írsk-amerikanska fólksligheitin hjá Young Dubliners fer at fáa keltiska blóðið í føroyingunum á kók longu frá fyrsta fiólstroki.
tíðindaskriv
