Tað verur 38 ára gamli Þorvaldur Árnason úr Íslandi, ið dømir dystin í triðja undanumfarinum til Europa League millum KÍ og Dinamo Tblisi úr Georgia.
Þorvaldur Árnason hevur dømt í bestu íslendsku fótbóltsdeildini síðani 2008, og hann hevur verið altjóða dómari síðani 2010.
Þorvaldur Árnason hevur higartil dømt 43 altjóða dystir, harav fleiri undankappingardystir í Champions League og Europa League undankappingum. Hann hevur eisini dømt HM- og EM-undankappingardystir.
Jóhann Guðmundsson og Andri Vigfússon vera hjálpardómarar. Fjórði dómari verur Petur Guðmundsson.
Dysturin millum KÍ og Dinamo Tblisi byrjar hóskvøldið klokkan 19. Tróndur Arge sigur beinleiðis frá dystinum á FM1. Sendingin byrjar klokkan 18.
Sendingin "Triði Hálvleikur" verur aftaná dystin á FM1.
In.fo hevur beinleiðis tekstfrásøgn frá dystinum í samstarvi við dystir.fo.
