Framsókn hevur havt landsfund í dag og formaðurin Poul Michelsen, landsstýrismaður, legði ikki fingrarnar ímillum, tá ið hann lýsti leiklutin hjá Sambandsflokkinum í sambandi við samráðingarnar um fiskivinnunýskipanina.
-Framsókn er av teirri fatan, at Sambandsflokkurin, sum í byrjanini segði seg vilja breiða semju, broytti kós og valdi heldur at royna at fella samgonguna. Ein illa umhugsað avgerð, sum ikki - hvørki á stuttu ella longu breytini - gagnar okkara høvuðsvinnu, segði Poul Michelsen, formaður.
Hann segði eisini, at Framsókn hevur gjørt eina avtalu við hinar flokkarnar í samgonguni, sunm tey kortini ikki halda samsvarar við tað, samgonguflokkarnir fóru til val uppá, ásannandi at breið semja ikki fekst.
-Men hetta er ein avtala, sum fara at vera trúgv ímóti, segði Poul Michelsen á landsfundinum hjá Framsókn
