Hann má fáa poeng fyri at royna, men tað gekk bara als ikki.
Ein ungur maður royndi nú um dagarnar at smugla 94 nýggja iPhones úr Hong Kong og inn á kinesiska meginlandið, men tollararnir í býnum Shenzhen hildu, at maðurin hevði heldur løgið gongulag, og tí steðgaðu teir honum.
Tað vísti seg, at maðurin hevði klistrað heili 94 nýggjar iPhones til kroppin á sær, og tí var tað ikki so løgið, at maðurin gekk, sum um hann bar sera tungt viðføri.
