Gamla álopslegendan hjá Onglandi og Manchester United, Wayne Rooney fer nú veruliga í holt við sína yrkisleið sum venjari.
Síðani november hevur Wayne Rooney verið fyribils høvuðsvenjari hjá Derby County í næstbestu ensku fótbóltsdeildini.
Og hjá Derby sum var í ringum skørum tá Wayne Rooney tók við starvinum hevur hilnast væl við nýggja høvuðsvenjaranum.
Wayne Rooney hevur havt tríggjar sigrar, fýra javnleikir og tvey tap fyrstu níggju dystirnar.
Hetta hevur líkað leiðsluni í Derby County væl, og hevur leiðslan í Derby County nú sett Wayne Rooney í fast starv sum høvuðsvenjari hjá liðnum komandi hálvttriðja árið.
Næsta uppgávan hjá Wayne Rooney og Derby County er á heimavølli í morgin klokkan 15 tá Rotherham kemur á vitjan.
