Fyrr í hesum mánaðinum høvdu tey í Stóru Dímun tveir starvsnæmingar á garðinum.
Hetta vóru næmingarnir, Ronja Ranadóttir Danielsen og Bára Mohr Vatnhamar, sum ganga á Skúlanum við Løgmannabreyt.
Í Stóru Dímun hava tær roynt eitt sindur av hvørjum.
- Eitt nú hava tær verið ovast á oynni og savnað seyðafylgið, og tær hava gingið niður Kleivina oman til sjóvarmálan.
Á Dímunargarði siga tey, at Ronja og Bára vóru til góða hjálp, nú tey í Stóru Dímun fyrireikaðu rakstur og fletting, samstundis sum røtur og gras skuldu fáast til høldar.
- Vit takka teimum fyri góða hjálp og ynskja teimum alt tað besta, siga tey á Dímunargarði eftir enn einaferð at hava havt starvsnæmingar í oynni.
##med2##
