Í kvøld verða tvær fyrru 1/8 finalur í Champions League. Real Madrid og Cristiano Ronaldo eru á vitjan í Schalke í Týsklandi, meðan FC Basel fær vitjan av FC Porto.
Fyri Real Madrid kemur tað illa við, at Cristiano Ronaldo ikki hevur skorað í ein heilan mánað. Tveir dystir sat hann yvir við leikbanni, meðan hann ikki skoraði í 4-0 tapinum fyri Atletico Madrid og 2-0 sigrinum á Deportivo La Coruna.
Venjarin hjá Real Madrid, Carlo Ancelotti, heldur fyri, at í kvøld fer helst at bragda hjá Cristiano Ronaldo. Portugisin hevur skotið 36 mál í 33 dystum fyri Real Madrid í ár. Real Madrid er á útivølli móti Schalke 04.
Í hini 1/8 finaluni spæla FC Basel úr Sveis og FC Porto úr Portugal.
Champions League 1/8:
Í kvøld:
Schalke 04 – Real Madrid (19:45)
FC Basel – FC Porto (19:45)
Í gjár:
PSG – Chelsea 1-1 (0-1)
0-1 Branislav Ivanovic, 36
1-1 Edinson Cavani, 54
Shakhtar Donetsk – Bayern Munchen 0-0 (0-0)
