Evropeiska fótbóltssamgongan, UEFA, hevur í dag kosið besta fótbóltsleikaran í Evropa. Teir tilnevndu vóru Cristiano Ronaldo og Gareth Bale, báðir úr Real Madrid, og Antoine Griezmann úr Atlético Madrid.
Púra sum væntað var tað Cristiano Ronaldo, sum fekk heiðurin. Hann skeyt síðsta kappingarár 51 mál í 48 dystum fyri Real Madrid, umframt at hann í summar gjørdist evropameistari saman við Portugal. Hann skeyt trý mál í EM.
Hetta var aðruferð, at Cristiano Ronaldo varð kosin bestur í Evropa. Heiðurin varð á fyrsta sinni latin í 2010, og síðani tá hava vinnararnir verið hesir:
2010-2011: Lionel Messi
2011-2012: Andrés Iniesta
2012-2013: Franck Ribéry
2013-2014: Cristiano Ronaldo
2014-2015: Lionel Messi
2015-2016: Cristiano Ronaldo
