SMS hevði góðar 12 milliónir krónur í yvirskoti í fjør. Tað vísir roknskapurin fyri 2017, sum nú er almannakunngjørdur á vinnuvitan.biz.
Nettosølan hjá P/F SMS í fjør var góðar 431 milliónir krónur, og fíggjarstøðan hin 31. desember vísti eina eginogn upp á góðar 65 milliónir krónur.
P/F SMS hevur tvey høvuðsvirksemi. Felagið eigur og rekur 12 matvøruhandlar, 7 Bónushandlar, 4 Mylnuhandlar, egið bakarí og Miklagarð við slaktaradeild.
Felagið leigar eisini sølumiðstøðina – bygningin á Trapputrøðni í Havn – frá P/F Fastogn og framleiðar handilshøli til handlarnar í sølumiðstøðini.
Felagið eigur partabrøv í hesum feløgum:
100% av partapeninginum í P/F Miðlon
80% av partapeninginum í Sp/F Thetis
50% av partapeninginum í Sp/F PowerFøroyar
50% av partapeninginum í P/F Dvøljan
50% av partapeninginum í Burn Fitness
50% av partabeninginum í P/F Burn Finans.
Leiðslan í SMS sigur í roknskapinum, at úrslitið er á støði við 2016 og á leið við tað, sum varð mett við ársbyrjan.
Leiðslan metir, at gjaldførið og fíggjarliga støðan er nøktandi
199 fólk starvaðust hjá SMS í 2017
Stjóri í P/F SMS Niels Mortensen.
Nevndarformaður er Christian F. Andreasen.
Nevndarlimir eru Mogens Nielsen, Kaj Johannesen og Niels Johannesen.
P/F SMS rindar partaeigarunum 6 milliónir krónur í vinningsbýti av ársúrslitinum í fjør.
