Føroyingauppgerð var á Frederiksberg í næstbestu donsku hondbóltsdeildini í kvøld.
Jónas G. Djurhuus, Leivur Mortensen og liðfelagarnir í FIF tóku móti Paula Jacobsen, Róa Berg Hansen og liðfeløgunum í HØJ.
HØJ vann dystin 29-25. Í steðginum var HØJ á odda 13-12. Tá 43 minuttir vóru farnir var HØJ á odda 20-19. Fimm minuttir seinni hevði HØJ økt til 25-19.
Jónas gjørdist toppskjútti hjá FIF við átta málum. Leivur skoraði tvey mál.
Rói gjørdist næstbesti málskjúttin hjá HØJ saman við Tobias Wetzel við fimm málum. Toppskjútti hjá HØJ var Simen Schønningsen við níggju málum.
11. november tekur HØJ móti Midtjyllandi á heimavølli. Dagin eftir spælir FIF á útivølli móti Skovbakken, ið hevur Niklas Højgaard Hanusarson á liðnum.
| Nr | Lið | Dystir | Stig |
| 1 | Skive fH | 9 | 17 |
| 2 | HØJ | 9 | 14 |
| 3 | Grindsted | 8 | 13 |
| 4 | HC Midtjylland | 8 | 12 |
| 5 | Team Sydhavsøerne | 8 | 9 |
| 6 | TM Tønder | 8 | 9 |
| 7 | Skovbakken | 8 | 8 |
| 8 | Aarhus HC | 8 | 7 |
| 9 | FIF | 9 | 7 |
| 10 | Odder | 8 | 6 |
| 11 | Vendsyssel | 9 | 5 |
| 12 | Rækker Mølle | 8 | 4 |
| 13 | HC Odense | 8 | 3 |
| 14 | Køge | 8 | 2 |
