Rógvi Dal-Christiansen og liðfelagarnir í Roskilde koma at halda jól og nýggjár á aftasta plássinum í næstbestu donsku hondbóltsdeildini.
Roskilde spældi í kvøld botnuppgerð móti Otterup á útivølli.
Otterup vann dystin 28-24. Í steðginum var Otterup á odda 14-10. Tað gekk frægari hjá Roskilde í seinna hálvleiki, men ikki nóg væl til at venda dystinum.
Rógvi skoraði trý mál fyri Roskilde.
Roskilde er aftast í deildini við bert sjey stigum.
Roskilde spælir ikki aftur fyrrenn 22. januar. Tá kemur oddaliðið, Ringsted á vitjan í Roskilde.
