- Um hetta er veruleiki, so hevur Frederikstad FK skotið gullfuglin. Mikkjal Thomassen er ein sera dugnaligur venjari, ið fer at seta síni spor í felagnum.
Orðini eigur Rógvi Baldvinsson á Twitterkonto sínari.
Rógvi er føroyskur landsliðsleikari sum er vaksin upp í Noregi, og spælir við Bryne í somu deild sum Frederikstad, OBOS-liguni sum er tann næstbesta deildin.
Rógvi hevur ofta verið viðmerkjari hjá norska TV2, og hevur eitt gott innlit í bæði føroyskan og norskan fótbólt.
Við Mikkjali Thomassen við róðrið í Frederikstad, og við Meinhard E. Olsen í Mjøndalen, Rógva Baldvinsson í Bryne, Jann Benjaminsen í Hødd, og Gullbrandi Øregaard í Sandnes ULF verður tað eyka spennandi hjá okkum føroyingum at fylgja við næstbestu norsku fótbóltsdeildini komandi ár.
