Bústjórin kunnaði um, at fyrrverandi stjórin, Árni Gregersen, sum var einasti kravánari í D-Media Spf, haðar teir eisini høvdu flutt øll virðini, sum eftir vóru í Dimmalætting.
Bústjórin segði seg ikki heilt tora at umstoyta atgerðina, tí hann var bangin fyri, at Árni Gregersen fór at stevna honum eftir pengum, tí nú fóru sannlíkindini til, at gamli stjórin fór at fáa ein part av sínari uppsagnarløn útgoldna, at minka, tí lønin hjá stjóranum fór so at verða javnsett við krøvini, sum øll hansara starvsfólk høvdu.
Hetta dámdi ikki gamla stjóranum, og tískil metti bústjórin, at hann varð noyddur at gera eina avtalu við gamla stjóran um, at bústjórin kundi umstoyta atgerðina. Annars merkir ein umstoyting, at atgerðin ongantíð varð framd, og tískil er spurningurin, um gamli stjórin kann stevna bústjóranum.
– Um atgerðin við at flyta øll virðini úr Dimmalætting og inn í D-media bara var fyri at tryggja Árna Gregersen sína løn, so burdi tað verið nokk til at umstoyta avgerðina. Sjálvandi visti stjórin best, hvønn veg tað bar, tí hann hevði longu steðgað aktivitetinum á blaðnum, og tískil var avgerðin um at flyta øll virðini inn í D-media einans fyri at tryggja sítt egna lønarkrav – og harvið at seta seg sjálvan í betur støðu enn hini starvsfólkini á Dimmalætting – og aðrar kreditorar, sum standa til at missa oman fyri fýra milliónir krónur.
