Nú er greitt hvørji lond eru komin í áttandapartsfinaluna av EM-endaspælinum sum verður spælt í Fraklandi í hesum døgum.
Seinastu dystirnir hava í kvøld verið spældir, har Svøríki og Belgia hava hitst í øðrum, meðan Italia og Írland hava spælt hin dystin.
Eitt sindur sum væntað vann Belgia dystin móti Svøríki við 1-0. Hóast svenskararnir vóru væl við allan dystin, og eitt skifti í seinna hálvleiki trýstu Belgia nógv, so var tað Belgia sum fekk einsamalla málið, eitt sindur ímóti leikgongdini. Radja Nainggolan skoraði einsamalla málið við langskoti.
Í hinum dystinum vann Írland óvæntað 1-0 móti favorittunum Italia. Einsamalla málið í dystinum skeyt Robbie Brady fimm minuttir fyri leiklok.
Sostatt er greitt hvørji lond møtast í teimum ymisku áttandapartsfinalunum.
Áttandapartsfinalurnar síggja soleiðis út:
Vinnararnir av hesum dystunum møtast í fjórðingsfinalu.
Sveis – Pólland
Kroatia – Portugal
Vinnararnir av hesum dystunum møtast í fjórðingsfinalu.
Wales – Norður Írland
Ungarn – Belgia
Vinnararnir av hesum dystunum møtast í fjórðingsfinalu.
Týskland – Slovakia
Italia – Spania
Vinnararnir av hesum dystunum møtast í fjórðingsfinalu.
Frakland – Írland
Ongland – Ísland
Dystirnir í kvøld:
Italia – Írland 0-1 (0-0)
0-1 Robbie Brady, 85.
Svøríki – Belgia 0-1 (0-0)
0-1 Radja Nainggolan, 84.
