Ritan á gamlar slóðir

Leo Poulsen

Gamla nólsoyarskipið, Ritan, røkir aftur farleiðina til Nóls­oy­ar hetta tíð­ar­skeiðið frá 16. aug­ust til 5. september, með­an Ternan er á beding.
– Hetta er vanliga, kravda klass­ing­in, sum skipini skulu í­gjøgn­um í hvussu er ann­að­hvørt ár. Mill­um ann­að skulu botn­kann­ing­ar ger­ast, men vit vita so ikki um nakr­ar neyðugar ábøtur. Vís­ir seg nakað, taka vit tað har­frá, sigu Conrad Gaard Jo­en­sen, rakstrarleiðari á Strand­ferðsl­uni.
Ritan fer ikki at taka nevn­i­vert av farmi við, og tí fer Sam at sigla týsdagar og hós­dagar við farmi, úr Havn klokk­an 11 og úr Nólsoy klokk­an 12. Siglt verður 18., 23., 25. og 30. august.
Alpha Pilot fer at røkja sigl­ing­ina til Svínoyar og Fugl­oyar, meðan Ternan er á bed­ing.