Tingarbeiði
Nú hevur Elin Lindenskov tikið sæti á Løgtingið fyri Katrina Dahl Jacobsen, sum er á ST fundi í New York.
Men hon ásannar, at hetta er ógvuliga deydlig tíð í tinginum, so tað verður ringt at gera hol í sjógvin hesa tíðina.
Hon sigur ,at hon fer at taka virkið lut í teimum málum, sum koma fram, men um hon sjálv fer at leggja nøkur mál fyri tingið, veit hon ikki rættiliga, tí tíðiner so stutt.
Men hon hevur fleiri mál, hon kundi hugsa sær at reist, serliga um tíðin var longri. Eitt nú heldur hon, at spurningurin um umhvørvi liggur á láni, tí tað vísir seg, at landið leggur alla ábyrgdina av umhvørvispolitikkinum út á kommunurnar.
Men samstundis heldur hon, at okkum tørvar ein yvirskipaðan umhvørvispolitikk, tí tað kann ikki vera rætt, at agenda 21 skrivstovan skal detta niðurfyri, av tí at nakrar kommunur ikki kunnu semjast um, hvat hon skal vera.
Eitt týðandi mál fyri konufólk, hevur verið umrøtt eitt sindur og tað er spurningurin um fosturtøkur. Har ásannar Elin Lindenskov, at hon er grundleggjandi ósamd við landsstýrismannin í tí, hann hevur ført fram.
? Tað er nógv betri, at onki hendir í málinum, enn at miðflokkurin sleppur at sleppur at hóreiggja sær, tí tað fer bara at gera støðuna verri.
Hon er somuleiðis av teirri áskoðan, at fosturtøkur eru ikki nakar trupulleiki í Føroyum.
? Hetta er eitt stórt mál og eg ivist í, um nakað hendir hesa tíðina, eg siti í tinginum, men skuldi tað verið, verðið eg sjálvandi virkin í tí, sigur Elin Lindenskov
