Tað var ein feilur hjá løgtingsskrivstovuni – og ikki ein politisk avtala, at Rigmor Dam úr Javnaðarflokkin stóð skrivað sum forkvinna í Løgtingsins mentanarnevnd á heimasíðuni hjá Løgtinginum í morgun.
Av Løgtingsskrivstovu siga tey, at talan er um ein feil, sum tey hava gjørt, og sum skjótt var rættaður aftur.
Tískil er støðan framvegis ógreið, hvør verður formaður ella forkvinna í nevndini eftir Honnu Jensen. Óluvá Klettskarð er næstforkvinna, so hon verður uttan iva fyribils forkvinna til – og um, nevndin skipar seg av nýggjum.
Rigmor Dam er sum fyrrverandi mentamálaráðfrú eitt upplagt boð, um forkvinnusessurin fellur Javnaðarflokkinum í lut.
Soleiðis sær mentanarnevndin út:
Limur | varalimur |
|
|
Bjarni Kárason Petersen, | Joen Magnus Rasmussen |
|
|
Kristianna Winther Poulsen | Bjarni Hammer |
|
|
Rigmor Dam | Kristin Michelsen |
|
|
Óluva Elin Klettskarð , Næstformaður | Annita á Fríðriksmørk |
|
|
Katrin Kallsberg | Magni Laksáfoss |
|
|
Jógvan á Lakjuni | Jákup Mikkelsen |
|
|
Bjørn Kalsø | Magnus Rasmussen |
