6-mannafør menn: Tíðirnar vísa, at mest suvereni kappróðrarbáturin í ár er 6-mannafarið Riddarin úr Miðvági. Undan dagsins róðri høvdu teir vunnið sannførandi í Klaksvík, í Hósvík og á Tvøroyri, og aftur í dag var Riddarin ógvuliga sannførdur vinnari. Harvið er rættuliga sannlíkt, at tað verður Riddarin, sum fer at vinna FM.
Í dag var stór kapping um næstfremsta plássið. Higartil hevði Lómur av Argjum verið næstfyrstur á øllum stevnunum, og tað var hann aftur í dag. Lómur var greitt nummar tvey eftir startspurtin, men Smyril úr Vági var ógvuliga boysin. Hann vann seg stútt og støðugt inn á Lóm eftir at hava verið meiri enn eina bátslongd aftanfyri. Og í endaspurtinum tóktist tað sum um, at Smyril tók Lóm. Í síðstu tøkunum svaraði Lómur tó aftur, og tá ið teir fóru um málið var Lómur stavnin frammanfyri Smyril.
1 Riddarin 07:24.04
2 Lómur 07:29.07
3 Smyril 07:29.22
4 Skúgvur 07:38.16
5 Gongurólvur 07:41.06
6 Tvørabáturin 07:47.23
7 Húsfrúgvin 07:57.23
Støðan
1 Riddarin 28
2 Lómur 24
3 Smyril 20
4 Skúgvur 13
5 Gongurólvur 12
6 Tvørabáturin 11
7 Húsfrúgvin 2
