Teis Horn Rasmussen og liðfelagarnir í Ribe-Esbjerg ferðaðust í dag til oynna Als fyri at spæla dyst í Sydjysk Sparekasse Skansen høllini móti Sønderjyske.
Ribe-Esbjerg tapti tepurt 37-38 fyri Sønderjyske. Í steðginum var heimaliðið á odda 23-19.
Ribe-Esbjerg er á einum níggjunda plássi við 11 stigum. Ribe-Esbjerg er tvey stig frá týðandi áttanda plássinum, ið gevur atgongd til endaspælið aftaná lokið grundspæl.
Komandi hósdag klokkan 17.30 kemur Mors á vitjan at spæla dyst móti Esbjerg í BlueWater Dokken høllini.
Jóhan á Plógv Hansen og liðfelagarnir í Skanderborg-Aarhus taptu tepurt 26-27 fyri greiða oddaliðnum, Aalborg. Í steðginum vóru aalborgensarnir á odda 13-12.
Jóhan skoraði fýra mál upp á átta málroyndir.
Skanderborg-Aarhus er fjórðfremst í deildini við 16 stigum. Aalborg er við fullum stigatali, 28 stigum fyri 14 dystir langt fremst.
Komandi leygardag klokkan 13.30 spæla Jóhan og liðfelagarnir dyst á útivølli móti Grindsted.
