Í dag er 3. umfar í søguligu ensku steypakappingini, FA Cup. Tað er her at stóru feløgini í Premier League kom við í kappingina, og tað gevur mangan spennandi og øðrvísi dystir, har annað liðið er úr lægri deildunum.
Hetta umfarið hevur bjóðað upp á eitt heldur sjálvsamt reytt kort. Tað var í dystinum millum Birmingham og Blackburn, at innskifti Birmingham-spælarin, Ivan Sunjic, fekk beinleiðis reytt kort eftir 98 sekund.
Støðan var 1-0 til Birmingham, tá Ivan Sunjic kom á vøllin. Hann var óansin á egnari hálvu og endaði við at gera brotsspark og fáa beinleiðis reytt kort. Blackburn skoraði upp á bortssparkið, men tað endar við at Birmingham kemur víðari, tí liðið vann 2-1 í evstu løtu.
Úrslitini higartil hava sent Premier League feløg sum Brighton og Aston Villa út, meðan Newcastle og Watford skulu spæla umdystir, tí dystirnir í dag eru endaðir við javnleiki.
