René Shaki Joensen fekk eina góða persónliga byrjan uppá sítt íslendska fótbóltsævintýr.
René Shaki Joensen spældi allan dystin fyri Grindavík, sum tapti 1-2 ímóti Víkingi Ólafsfirði á útivølli í kvøld.
René Shaki Joensen legði upp til málið, sum Grindavík fekk til 1-1, tá ein tími var farin av dystinum. Sambært Morgunblaðnum var talan um eitt vakurt fríspark, sum René sendi beint á pannuna hjá Andri Rúnari Bjarnasyni, sum beindi bóltin í málið.
Men bert seks minuttir seinni var Víkingur Ólafsfjørður aftur á odda, og vann at enda dystin 2-1. Fyrra málið hjá Vìkingi kom longu tá tveir minuttir vóru farnir av dystinum.
Fyri føroyingarnir í ÍBV vóru tað ring tíðindi, at Víkingur Ólafsfjørður vann, tí nú hevur ÍBV trý stig upp til niðurflytingarstrikuna.
Komandi mánakvøld tekur Grindavík ímóti Akranesi.
Støðan í pepsideildini:
| 1 | Valur | 14 | 9 | 3 | 2 | 26:12 | 30 |
| 2 | Stjarnan | 14 | 7 | 4 | 3 | 30:17 | 25 |
| 3 | FH | 14 | 6 | 6 | 2 | 23:16 | 24 |
| 4 | KR | 14 | 6 | 3 | 5 | 23:20 | 21 |
| 5 | Grindavík | 14 | 6 | 3 | 5 | 18:24 | 21 |
| 6 | Víkingur Reykjavík | 14 | 5 | 4 | 5 | 19:20 | 19 |
| 7 | Breiðablik | 14 | 5 | 3 | 6 | 20:22 | 18 |
| 8 | KA Akureyri | 14 | 4 | 5 | 5 | 27:23 | 17 |
| 9 | Fjölnir | 14 | 4 | 4 | 6 | 17:20 | 16 |
| 10 | Víkingur Ólafsfjørður | 14 | 5 | 1 | 8 | 17:25 | 16 |
| 11 | ÍBV | 14 | 3 | 4 | 7 | 18:28 | 13 |
| 12 | ÍA Akranes | 14 | 2 | 4 | 8 | 20:31 | 10 |
