René, Heini og Hákun vunnu

Bæði føroyingaliðini, sum vóru í leiki í næstbestu donsku fótbóltsdeildini í dag vunnu.

Vendsyssel FF vitjaði AB í Gladsaxe og vann 3-1 aftaná at hava verið á odda 3-0 í steðginum. René Shaki Joensen legði upp til 3-0 málið, og hann fekk 70 minuttir á vøllinum, áðrenn hann var skiftur út. Hákun Edmundsson kom á vøllin fyri Vendsyssel FF, tá 85 minuttir vóru leiktir.

Heini Vatnsdal spældi allan dystin á tamb, tá Fremad Amager á útivølli í Næstved vann 1-0. Støðan í steðginum var 0-0. Fríggjakvøldið vann Vejle við Viljormi Davidsen á vøllinum 2-0 á Nykøbing FC. Sostatt gjørdist talan um fulla úrtøku hjá teimum trimum føroyingaliðunum, Vendsyssel FF, Fremad Amager og Vejle.

Komandi mikukvøld spælir Vejle á útivølli í Skive. Komandi sunnudag tekur Vendsyssel FF ímóti Skive. Fremad Amager tekur sama dag ímóti AB á leikvøllinum í Sundby á Amager. Sunnudagin vitjar Vejle á útivølli hjá Hobro.

Støðan í næstbestu donsku fótbóltsdeildini :