Á Miðnámsskúlanum í Suðuroynni fór rektaraskifti fram í dag.
Guðrið Johansen sigur farvæl, og í hennara stað kemur Rósa Heinesen.
Soleiðis skrivar Miðnám í Suðuroy á sínum vanga á facebook í dag:
Hendan vikan hevur verið hendingarrík og turbulent fyri okkum øll á Miðnám í Suðuroy.
Í dag hava vit boðið Rósu Heinesen vælkomna sum okkara nýggja rektara, samstundis hava vit við sorgblídni sagt farvæl við Guðrið Johansen, sum tey seinastu 5 árini hevur røkt rektarastarvið á Miðnám í Suðuroy. Vit hava havt eina fráfaringarløtu og vilja fegin takka henni fyri tíðina, ið hon hevur verið hjá okkum. Sum tøkk fyri tíðina, hevur Guðrið fingið gávu frá starvsfólkum og næmingum á skúlanum, m.a. hendan vakra málningin, ið okkara dugnaligi næmingur, Ýr Ákádóttir, hevur málað. Vit ynskja Guðrið blíðan byr í nýggja starvinum og bestu eydnu í framtíðini.
Á vanganum á facebook hjá Miðnám í Suðuroy eru fleiri myndir at síggja.
##med2##
##med3##
##med4##
