Fríggjadagin 5. oktober klokkan 16 byrjar listaframsýning í Smiðjuni í Lítluvík, har Regin Jørgensen sýnir fram sínar málningar.
Regin býr í Danmark og hevur seinastu árini sýnt fram í Føroyum, Danmark og Týsklandi. Hann er fast knýttur at Galleri Blokhus og var nú í september kosin best umtókta listafólk av teimum vitjandi annan mánaðin á rað.
Gestirnir hava fleiri enn 100 listafólk at velja ímillum, ið eru knýtt at Galleri Blokhus.
Regin Jørgensen hevur umleið 35 málningar við sær í Smiðjuni í Lítluvík, og framsýningin endar týsdagin 9. oktober klokkan 18.
