Regin nýggjur stjóri

Regin Hammer er nýggj­ur stjóri í TF Holding og Trygg­ing­ar­fel­ag­num Før­oya­r.

Aftan á fleiri enn 15 ár í TF sam­tak­i­num, harav fleiri enn 10 ár sum forstjóri, hev­ur Gunn­ar í Liða avgjørt at leggja frá sær sum forstjóri á nýggj­ár­i­num.

- Eg havi verið sera glaður fyri tíð­ina í TF samtakinum. Hesi árini hava verið tey bestu í mín­um arbeiðslívi, men av per­són­ligum ávum havi eg av­gjørt at gevast um árs­skiftið. Eg eri fegin um, at TF samtakið nú er sterk­ari enn nakrantíð og væl brynj­að at taka ímóti teim­um av­bjóð­ing­um, ið standa fyri framm­an, sigur Gunn­ar í Liða.

Nýggj­ur for­stjóri í TF Hold­ing og Trygg­ing­ar­fel­ag­num Før­oyum verður Regin Hamme­r, sum er varastjóri í TF Hold­ing. Hann tekur við starv­i­num 1. januar 2011.

Um orsøkina til, at hann gevst í stjórastarvinum sig­ur Gunn­ar í Liða, at hann hev­ur ein maka, sum býr í Norra, og nú vilja tey liva eitt lív saman.

- Vit hava búð í hvør sín­um landi í fýra ár, og nú vilja vit liva saman, segði Gunn­ar í Liða við Rás2 fríggj­a­dag­in.
Í tíðindaskrivi boð­ið nevnd­in í Trygg­ing­ar­fel­ag­num frá, at hon ynskir Gunn­ari í Liða blíðan byr fram­yvir, nú hann hevur valt at leggja frá sær.

- Nevndin hevur sam­stund­is við val­i­num av Regin Hamm­er sum nýggjum fors­tjóra tryggjað, at Trygg­ing­ar­felagið Føroyar og TF Hold­ing halda fram á somu kós sum higartil. Vit ynskja Regini góða eydnu við starv­inum, sigur Birgir Mohr, nevndarformaður.