Regattan við seglskipum, sum í gjár legði frá landi og fyrr í dag fór av Klaksvíkini, er nú suðurfyri Rituvík.
Skiparin á Westward Ho, Andras Winther, sigur við Portalin, at skipafylgið verður á Mjóvanesi um hálvgum fýra tíðina, og har liggja nakrir sluppungar og bíða eftir teimum. Sìðani er ætlanin at stevna inn á Skálafjørin.
- Vit hava tað gott umborð, sjálvt um tað rullar nakað. Men vit hava undanvind, so tað gongur skjótt, hóast vit sigla við seglum, sigur Andras Winther.
Hann heldur ikki, at áhugin fyri regattuni hevur verið serliga stórur; bert nøkur fá fólk keyptu sær atgongumerki til hendan túrin úr Klaksvík til Runavíkar.
- Men eg havi frætt, at tað vera fleiri fólk við í morgin, tá vit fara av Runavík til Havnar og víðari til Suðuroyar.
Tíðarætlanin heldur ikki heilt, tí sluppirnar eru næstan ein tíma fyri tíðina.
Umborð á Westward Ho eru 16 mannfólk og 2 konufólk.
Umframt Westward Ho eru Johanna, Norðlýsið og Dragin við í regattuni,
