Føroysku flokkarnir fáa játtan á fíggjarlógini eftir stødd, har ein partur fer til hjálp hjá tingbólkunum hjá flokkunum.
Fólkaflokkurin hevur lýst eftir fólki, og Jørgen Niclasen sigur, at nógvar umsóknir vóru.
– Hetta prógvar, at eftirspurningurin eftir lestrarstørvum er stórur. Sum landsstýrismaður arbeiði eg við at fáa almennar stovnar at taka fleiri lærlingar, men tá tað er sagt, er tað týdningarmikið, at flokkarnir eisini gera sítt til, at lesandi fáa starvsmøguleikar, sigur Jørgen Niclasen.
Fólkaflokkurin hevur tær báðar, Rebeccu Joensen og Ásu Klakkstein Thomsen úr Klaksvík í starv. Tær lesa sosialvísindi og samfelagsplanlegging á øðrum ári á Fróðskaparsetrinum.
