Tað er bara eitt atgongumerkið eftir til Champions League finaluna í Munchen tann 19. mei. Bæði Real Madrid og Bayern Munchen vilja hava tað atgongumerkið og í kvøld verður avgjørt á vøllinum hvør skal møta Chelsea í finaluni.
Bayern Munchen vann fyrru hálvfinaluna á Allianz Arena í Týsklandi 2-1. Frank Ribery og Mario Gomez skoraðu fyri heimaliðið, meðan Mesut Ozil skoraði fyri Real Madrid.
Bæði í Real Madrid og Bayern Munchen eru lyklaleikarar vísir í at teirra lið kemur víðari. Cristiano Ronaldo hevur verið undangongumaðurin hjá Real Madrid í ár og avgjørdi El Clasico uppgerðina móti Barcelona á Nou Camp um vikuskiftið.
- Løtan hjá felagnum er komin. Tað er ein stórur dystur og vit fara at vinna hann, segði Cristiano Ronaldo um hálvfinaluna í kvøld.
Bayern Munchen kom í finaluna í 2010, men tapti á júst Santiago Bernabeu ímóti Inter Milan og táverandi venjaranum, José Mourinho, sum er núverandi venjari hjá Real Madrid.
- Eg rokni við at teir koma við, sum teir hava og vit mugu arbeiða hart í verjupartinum. Málið hjá okkum er at standa ímóti trýstinum fyrst tjúgu minuttirnar. Eg kenni tó á mær at vit mugu skora og eg haldi at vit vinna, segði Bastian Schweinsteiger á tíðindafundinum í gjár.
Real Madrid og Bayern Munchen bresta saman á Santiago Bernabeu í Madrid í kvøld klokkan 19:45. Real Madrid skal skora um teir skulu gera sær nakrar tankar um at koma í Champions League finaluna.
Champions League hálvfinala:
Real Madrid (1) (2) Bayern Munchen 19:45
