Hyggið eftir báðum myndunum.
Myndirnar eru báðar av Real Madrid. Tann ovara er frá 3. juni í 2017. Tann niðara er frá 26. mai í 2018.
Tann ovara myndin er tikin áðrenn Champions League finaluna millum Real Madrid og Juventus í fjør, ið Real Madrid vann 4-1.
Tann niðara myndin er tikin áðrenn Champions League finaluna millum Real Madrid og Liverpool í ár, ið Real Madrid vann 3-1.
Spælararnir á myndunum eru presis teir somu, og teir standa í presis somu røð sum fyri einum ári síðani.
Einasti munur er, at í 2017 spældi Real Madrid í útivallarbúnanum.
Fótbóltur hevur nógvar ótrúligar søgur, og her er enn ein av teimum. Fantastiskt, at slíkt hendir uttan, at nakar í Real Madrid hevði ætlað tað áðrenn.
