Fyrra hálvfinalan millum Real Madrid og Bayern Munchen endaði við teprum 1-0 sigri til Real Madrid. Málið skoraði Karim Benzema í fyrra hálvleiki.
Real Madrid hevði Cristiano Ronaldo við frá byrjan, meðan Gareth Bale byrjaði á bonkinum. Pep Guardiola byrjaði við Philipp Lahm á miðvøllinum, men flutti hann seinni á høgta bakk.
Tjúgu minuttir inn í fyrra hálvleik kom tað, sum skuldi vísa seg at verða avgerandi málið. Real Madrid fór í mótálop, har Fabio Coentrao legði bóltin innfyri til Karim Benzema, sum var á rætta stað til røttu tíð.
Bayern Munchen hevði bóltin nógv meiri, men helst mundi Real Madrid hava vandamiklari møguleikarnar. Millum annað Ángel Di María brendi stóran møguleika.
Í seinna hálvleiki tóktist Real Madrid meiri vandamikið í álopsspælinum, men móti endanum fekk Bayern Munchen ein møguleika ella tveir. Eitt nú hevði Iker Casillas eina framúr bjarging.
Real Madrid vinnur 1-0. Returdysturin verður um eina viku á Allianz Arena í Munchen.
Champions League hálvfinalur:
Real Madrid – Bayern Munchen 1-0 (1-0)
1-0 Karin Benzema, 19
