Heimsmeistarakappingin fyri klubblið er í hesum døgum í Marokko.
Vinnarin av Champions League frá farna kappingarárið, Real Madrid, hevur í dag leikt hálvfinalu móti meksikanska liðnum, Cruz Azul.
Og tíðliga varð greitt, at stórur munur var millum liðini. Real Madrid var á odda 2-0 longu í hálvleikinum, við málum frá Sergio Ramos og Karim Benzema.
Í seinna hálvleiki fekk Real Madrid tvey mál afturat. Eftir gott upplegg frá Cristiano Ronaldo fekk Gareth Bale skallað bóltin í málið til 3-0, meðan Isco skoraði til 4-0 eftir góðan driblitúr.
Real Madrid er sostatt klárt til finaluna í HM fyri klubblið. Í finaluni skal Real Madrid møta vinnaranum av dystinum í hinari hálvfinaluni, ið er millum San Lorenzo og Auckland City FC.
Finalan í kappingini verður leikt leygardagin.
Cruz Azul – Real Madrid 0-4 (0-2)
0-1 Sergio Ramos, 15.
0-2 Karim Benzema, 36.
0-3 Gareth Bale, 50.
0-4 Isco, 72.
