Rasmus Paludan verður á atkvøðuseðlinum sum sjálvstøðugt valevni til fólkatingsvalið 24. mars.
Tað váttaði Innlendis- og heilsumálaráðið á heimasíðuni í dag.
Paludan stillar upp í Stóra Keypmannahavnar valdømi.
Leygardagin kunngjørdi flokkurin hjá Paludan, Stram Kurs, at hann hevði savnað 150 persónligar veljarayvirlýsingar, sum er kravið fyri at stilla upp sum sjálvstøðugt valevni.
Stram Kurs hevur roynt at savna nóg nógvar undirskriftir til valið til at verða uppstillaður sum flokkur.
Hetta krevur munandi fleiri undirskriftir - umleið 20.000.
Flokkurin, sum stillaði upp til fólkatingsvalið í 2019 og fekk 1,8 prosent av atkvøðunum, hevur savnað 1.667 undirskriftir og stillar tí ikki upp.
Tað eru seks fólk, sum bjóða seg fram sum leysgangarar á valinum 24. mars.
Millum valevnini eru millum annað Theresa Scavenius, sum varð vald fyri Alternativet í 2022.
/Ritzau/
