Fyrsti dagur í einstaklingakappingini er liðugur, har kvinnur í einmansleiki og menn í tvímansleiki spældu.
Hesi hava spælt í dag:
Kvinnur einsmansleikur:
Rannvá D. Carlsson, Brynhild D. Carlsson, Kristina Eriksen og Gunnva Jacobsen.
Menn tvímansleikur:
Aksel Poulsen/Niclas Eysturoy og Magnus Dal-Christiansen/Bartal Poulsen
Sambært Erik Engelbrecht Thomsen úr Badmintonsambandinum, so stríddust øll væl í heitu badmintonhøllini, og har vóru nógvir javnir dystir, har tað eins væl kundi verið til okkara fyrimun.
– Hitin í høllini gav okkum eyka mótstøðu, og tað tærdi upp á kreftirnar. Tað eydnaðist toppseedaðu Rannvá at tryggja sær pláss í finaluni fríggjdagin. Hon møtir Cristen Marritt frá Isle of Man, sum eisini er seedað. Aksel og Niclase spældu seg í semifinaluna, men taptu til eitt par av Minorca og skulu tí spæla um bronsu fríggjadagin móti einum pari av Jersey, sigur hann.
Í morgin spæla menn í einmansleiki og kvinnur í tvímansleiki frá klokkan 9:00.
