Oyggjaleikir: Badminton hevur vunnið eitt heiðursmerki aftrat, tí fyri eini løtu síðani var greitt, at Rannvá Djurhuus Carlsson vinnur sín bronsudyst uttan at spæla.
Garoline Gate frá Gotlandi, sum Rannvá skuldi spæla ímóti, valdi ikki at møta til dystin, og tí er dagurin hjá Rannvá í øllum førum byrjaður á besta hátt:
– Hetta var ikki so galið, tí nú kann eg savna tankarnar og vera betur fyrireikað til hinar báðar finalurnar, sum eg skal spæla seinni, sigur Rannvá.
Hon er saman við systrini, Brynhild, í finaluni í tvímansleiki hjá kvinnum og saman við Niclas Højgaard Eysturoy í finaluni í blandaðum tvímansleiki.
