Rannvá Andreasen er millum fremstu kvinnuligu fótbóltsspælararnar í Føroyum nakrantíð.
Hon hevur skotið mál í hópatali, og hon hevur átt stóra leiklut í, at KÍ hevur verið fullkomiliga einaráðandi í føroyskum kvinnufótbólti seinastu árini.
Í ár skeyt hon 31 mál í 22 dystum.
– Vit hava spælt framrættaðan fótbólt, og eg eri nógv við í spælinum sum framherji. Tað sleppi eg nærmast ikki undan, sigur Rannvá Andreasen.
Hon leggur afturat, at hon hevur vunnið heiðurin so ofta, at hon hevur mist talið.
