Tað endaði við 2-1 sigri til gestirnar, tá ið teir næstbestu hjá NSÍ í kvøld høvdu vitjan av grannunum hinumegin Gøtueið.
Úrslitið ber við sær, at Víkingur hevur 12 stig, og at Víkingur er á fjórða plássi.
NSÍ hevur sjey stig og er á áttanda plássi.
Í fyrra hálvleiki var tað Meinhard Janusarson, sum í 26. minutti legði heimaliðið á odda 1-0. Hetta var triði dysturin á rað, at Meinhard Janusarson var málskjútti.
Heimaleiðslan helt inntil 12 minuttir eftir steðgin, tá ið Rani Hansen umsetti brotsspark til 1-1.
2-1 sigursmálið skoraði Rani Hansen 20 minuttir undan leikloki. Uppleggið átti Jóseg Ólavsson Gleðisheygg. Rani Hansen hevur skorað 10 mál og er toppskjútti í 1. deild.
Merkisvert var tað, at allir spælararnir á listanum hjá báðum liðum eru føroyingar, og at talan fyri tað mesta var um ungar spælarar. Einasti veteranurin var Pól Jóhannus Justinussen á NSÍ liðnum.
