Hjá kvinnum var 15 ára gamla Rakul Mikkjalsdóttur av Tvøroyri einaráðandi. Hon vann hjá gentum, kvinnuunglingum og hjá kvinnum. Í kvinnufinaluni gjørdist tað ein spennandi finala millum Rakul og Marin í Dali, sum eisini er av Tvøroyri. Báðar byrjaðu heldur spakar, men Marin vann skjótt yvirvágina. Rakul spældi ikki upp til sítt besta, og Marin kom skjótt og lætt á odda 2-0. Eftir hetta fann Rakul seg sjálva, og vann seg upp á 2-2. Í síðsta og avgerandi settinum dró Rakul longra stráðið, og tískil kann hon, hóast sín unga aldur, kalla seg føroyameistari hjá kvinnum 2008.
Taktiskt
- Eg royndi at hugsa um hvat hon ikki dugdi so væl, og síðan legði eg meg eftir tí, segði Rakul Mikkjalsdóttur eftir dystin, og helt fram: - Hetta hevði nógv at siga fyri meg. Hetta er fyrstu ferð eg vinni ein so stóran heiður, og eg havi vant fram ímóti hesum í langa tíð.
Kappingarárið í Føroyum er av á hesum sinni, men í komandi mánað skal ungdómslandsliðið til Danmarkar at luttaka í DM.
- Næsta mál er at vinna NM, sigur Rakul, sum í fjør gjørdist danskur Grand Prix-vinnari.
---
Fakta
FM í borðtennis
Kvinnuunglingar
Einmansleikur:
1. Rakul Mikkjalsdóttur, TBF
2. Susie Midjord, TBF
Tvímansleikur:
1. Rakul Mikkjalsdóttur og Susie Midjord, TBF
Mansunglingar
Einmansleikur:
1. Rói Agnarsson, Tór
2. Hallur Thorsteinsson, Tór
3. Fróði Jensen, TBF
Tvímansleikur:
1. Rói Agnarsson og Hallur Thorsteinsson, Tór
2. Fróði Jensen og Tróndur Tummasarson, TBF
3. Magnus Johansen KÍ og Jákup Thomasen, TBF
Meðaldeild menn
Einmansleikur:
1. Ólavur Niclasen, KÍ
2. Karl Arni Egholm, KÍ
3. Kai Roest, TBF
Tvímansleikur:
1. Vagnur Nolsøe og Kai Roest, TBF
2. Karl Arni Egholm og Jóel Bringsberg, KÍ
3. Ólavur Niclasen, KÍ og Andras Nolsøe, TBF
Meistaradeild kvinnur
Einmansleikur:
1. Rakul Mikkjalsdóttur, TBF
2. Marin í Dali, TBF
3. Susie Midjord, TBF
Tvímansleikur:
1. Marin í Dali og Rakul Mikkjalsdóttur, TBF
2. Susie Midjord og Mariann Mikkjalsdóttur, TBF
Meistaradeild menn
Einmansleikur:
1. Ragnar Egilsson, Tór
2. Rói Agnarsson, Tór
3. Hallur Thorsteinsson, Tór
Tvímansleikur:
1. Petur Niclasen og Ragnar Egilsson, Tór
2. Fríði Jensen og Fróði Jensen, TBF
3. Hallur Thorsteinsson og Rói Agnarsson, Tór
Blandaður tvímansleikur
1. Marin í Dali og Fróði Jensen, TBF
2. Rakul Mikkjalsdóttur, TBF og Ragnar Egilsson, Tór
3. Susie Midjord og Tróndur Tummasarson, TBF
Ársins leikari, kvinnur:
Rakul Mikkjalsdóttur, TBF
Ársins leikari, menn:
Ragnar Egilsson, Tór
Ársins stjørnuskot
Fróði Jensen, TBF
Ársins herðaklapp
Claus Olsen og Sveinbjørn Danielson, Royn
