Tað vísir veljarakanningin, sum spyr.fo hevur gjørt fyri Miðlahúsið.
Um vit bara rokna upp á atkvøðurnar frá kvinnum, so hevði Fólkaflokkurin fingið 3 tingsessir, Sambandsflokkurin 5, Javnaðarflokkurin 14, Sjálvstýri 0, Tjóðveldi 8, Framsókn 2 og Miðflokkurin 1.
So mugu vit skunda okkum at siga, at veljarakanningin er gjørd í kjalarvørrinum av, at Fólkaflokkurin tók helt serlig stig fyri at koyra Anniku Olsen úr Løgtinginum. Og tað kann sjálvandi vera orsøk til, at onkrir veljarar nýta høvi í eini slíkari kanning av revsa sín flokk.
Vóru tað bara menn, sum atkvøddu, sá so støðan sambært kanningini munandi øðrvísi út, tí so hevði Fólkaflokkurin fingið 5 tingfólk, Sambandsflokkurin 6, Javnaðarflokkurin 8, Sjálvstýri 2, Tjóðveldi 6, Framsókn 4 og Miðflokkurin 2.
Kanningin er so ein løtumynd av, hvussu støðan var hósdagin.
Men úrslitið er kortini sera langt frá seinasta løgtingsvali – bæði millum kvinnur og menn.
##med2##
