Dagny Joensen
Tá royndarmyndin hjá SVF er á skíggjanum, hoyrist vanliga samstundis útvarpið í sjónvarpinum.
Nú er ætlanin at leggja ljóð á royndarmyndina, sum fær beinleiðis samband við tinghúsið.
Enn eru teknisku fyrireikingarnar ikki lidnar, men Finnbogi Ísakson, tingformaður sigur, at byrjað verður helt at senda úr tinginum um nakrar dagar.
Í fyrstuni fara vit bert at hoyra tingfólkið á røðarapallinum, tá tingfundur er, men seinni er ætlanin at seta mynd á røddina.
Tað verður gjørt við at seta eitt upptøkutól upp í tingsalinum.Møguleiki verður at síggja talaran á røðarapallinum, men eisini verður gjørligt at skriva tekst á myndina, eitt nú hvør røðarin er, málið ið verður viðgjørt og atkvøðugreiðslurnar.
Fyribils verður tó bert ljóð sett á royndarmyndina, so áhugaði kunnu fylgja við í tingarbeiðinum.
